Seguindo a idea do Lecturo Literaturo (CPI Progreso de Catoira), iniciamos o noso particular Fotolibro con recomendacións semanais de lectura.
Todos os venres, algún membro da comunidade escolar fará unha recomendación literaria.
Presume de ler e déixate ver!María Vázquez Martínez, 4º ESO
Aya de Yopougon, Marguerite Abouet e Clément Oubrerie
Poderíase dicir que de todos os libros que lin nos últimos anos, cada un dos cómics de Aya de Yopougon son os meus preferidos. Estes cómics, ademáis de ter unhas fermosísimas ilustracións, fannos saír un pouco do concepto que temos da vida en África, e ver que hai algo máis que pobreza, guerras e fame. Amósannos que a vida é vida en calquera rincón do planeta, e que pese ás condicións, todos somos persoas e padecemos practicamente as mesmas historias e problemas. Resultan moi amenos, rápidos de ler e entretidos; eu linos varias veces e non me cansan.
Son uns libros que recomendaría a todo o mundo, especialmente a quen lle gusten os cómics e as complicadas historias cotiás, nas que interveñen moitos personaxes e nas que todo está relacionado.