27/10/11

IMAXE DO DÍA

Para os fans de Star Wars: este alfabeto representa os personaxes, quen é capaz de dicilo todo?
Pistas: A de Ackbar, B de Bobba, C de...




Unha obra de Fabián González.

4 comentarios:

  1. A Esperela10:05 p.m.

    Pois ánimo con eses nomes...

    ResponderEliminar
  2. Anónimo3:09 p.m.

    Propóñovos outro abecedario. O de Marilar Alexandre no seguinte poema:

    bidueira é con b de branco
    branco como a lepra,
    os longos rabos do b
    desempenados como riscas de xiz.
    Na cortiza branca da bidueira
    sutil como a casca do ovo
    os indios de tempos idos
    (antes do alcohol barato, das plumas de plástico)
    escribían mensaxes instantáneas
    fráxiles como todo o que vale a pena.
    bidueiras como mulleres de loito,
    como prisioneiros famentos
    na interminable estepa do país do Medio,
    unha mitteleuropa ou outra,
    montando garda ós espectros
    de Dachau ou Matthausen.

    ollo coas acacias,
    con c de coitelo.
    son máscaras de entroido
    que esconden o gume das súas follas
    nun estoupido de lámpadas amarelas.
    Unha acacia ou mimosa nun entroido, hai anos,
    partiume a lingua en dous.

    e que dicir das magnolias
    con m de mágoa
    que te asaltan por sorpresa
    con esa creación excesiva
    de flores pesadas como chumbo,
    as linguas ou sexos dos pétalos
    murchas antes de abrirse.
    Non quero ver magnolias, non
    teñen contención, non
    son discretas.
    Esa paleta de cores carnais
    non se acorda coa miña roupa
    nin cos mobles do living room.

    plataneiro, con p de prender,
    con p de pólvora e pincel,
    falsos como ningunha árbore,
    que levan na codia un mapa
    con promesas de viaxes incumpridas.

    árbores de inverno,
    o último libro que
    Sylvia
    antes de pousar a cabeza
    no acougo enganadizo
    do forno de gas.

    ( Belén)

    ResponderEliminar
  3. A Esperela3:55 p.m.

    Pois é evidente que este abecedario é claramente mellor... Grazas, Belén, por esta sobredose de emocións :)

    ResponderEliminar