14/02/18

AMOR? AMOR!... EN 100 PALABRAS


Volve o concurso de microrrelatos Amor? Amor!... en 100 palabras. Recollemos os vosos textos na Esperela en todos os recreos. Animádevos a participar, hai un premio sorpresa!

08/02/18

SESIÓN DE ATRAPASOÑOS

Na sesión de hoxe de Atrapasoños lemos o conto "O neno suicida", pertencente a Dos arquivos do Trasno, de Rafael Dieste.
Tivemos tamén un almorzo e un sorteo: gañou Carmen!!

06/02/18

COMEZAN OS APADRIÑAMENTOS LECTORES!!


Hoxe comezamos cos "Apadriñamentos lectores". Alumnado voluntario de 4º de ESO levou contos á aula dos pequeniños de infantil para compartir con eles tempo e lecturas. Toda unha experiencia!! Voltaremos!!

02/02/18

VISITA DO CEIP MOSTEIRÓN


Hoxe recibimos na Esperela a visita do alumnado de 6º de Primaria do CEIP Mosteirón. Ademais da benvida e explicacións da directora e o orientador, contamos coa colaboración de dous alumnos de 1º e dúas alumnas de 4º que fixeron de cicerones polo instituto e responderon as súas preguntas.
Despois dun almorzo, a rapazada marchou contenta cuns agasallos.

01/02/18

OUTRA SESIÓN DE ATRAPASOÑOS


Nesta sesión de Atrapasoños escoitamos e lemos uns textos de Sechu Sende pertencentes a Made in Galiza. A atención foi máxima, e as palabras de Belén, unha delicia!

29/01/18

UN FOTÓGRAFO NA ESPERELA


Hoxe visitounos na Esperela un fotógrafo de excepción, o noso amigo e ex alumno Jano Ennes. Jano quixo colaborar con nós facendo unhas fotos preciosas da nosa biblioteca.
Se queredes coñecer o seu traballo podedes pasarvos por instagram @archivo55


GRAZAS, JANO!!

23/01/18

ADEUS A NICANOR PARRA


O poeta chileno Nicanor Parra faleceu hoxe en Santiago aos 103 anos. Foi creador do movemento chamado "antipoesía" e gañador de moitos premios literarios, entre eles o Premio Cervantes.

RECITAL POÉTICO ALDAO+LADO


Que sorte para o alumnado de 3º e 4º!! Hoxe tivemos na Esperela dúas mulleres poderosas: Lucía Aldao e María Lado. Xa estiveran en Mosteirón hai algúns anos, e o éxito fora tal que estabamos desexando que volvesen. A visita non defraudou: cantaron, contaron e recitaron, e todo de marabilla!

ALDAO+LADO on PhotoPeach

Grazas, amigas!!!